भारतीय प्रधानमन्त्री नरेन्द्र मोदीको नेपाल भ्रमणमा विरोध कार्यक्रम गर्न सक्ने भन्दै प्रहरीले ग्रेटर नेपालका ३ जनालाई पक्राउ गरेको छ।
महानगरीय अपराध महाशाखाको टोलीले ग्रेटर नेपालका विमल बुर्लाकोटी, प्रकाश सुवेदी र गोविन्द गोरालाई बागबजार र बालाजुबाट पक्राउ गरिएको अपराध महाशाखाका प्रमुख एसएसपी धिरजप्रताप सिंहले जानकारी दिए।
मोदीको काठमाडौं भ्रमणका क्रममा विरोधको कार्यक्रम गर्ने आशंकामा उनीहरूलाई पक्राउ गरिएको एसएसपी सिंहले बताए।
