दाङको भालुवाङ निवासी एकजना बालकको शनिबार राप्ती नदीमा डुबेर मृत्यु भएको छ।
राप्ती गाउँपालिका वडा नं. १ पुलचोक भालुवाङ निवासी ८ वर्षीय प्रदीप रोकाको शनिबार दिउँसो राप्ती नदीमा डुबेर मृत्यु भएको जिल्ला प्रहरी कार्यालय दाङले जानकारी दिएको छ।
८ वर्षीय बालक आफ्नी आमासँगै राप्ती नदीमा गएका थिए। आमा लुगा धुन व्यस्त भएपछि बालक पौडी खेल्ने क्रममा डुबेर बेपत्ता भएको र उनको शव दुई घण्टा जति खोजेपछि फेला परेको प्रहरीले जानकारी दिएको छ।
दाङको लालमटियामा ट्रकको ठक्करबाट एक जना बालकको मृत्यु भएको छ।
ट्रकको ठक्करबाट बालकको मृत्यु पूर्व पश्चिम राजमार्ग अन्तरगत राप्ती गाउँपालिका वडा नं. २ लालमटियामा ट्रकको ठक्करबाट ८ वर्षीय गौतम बुढाथोकीको मृत्यु भएको प्रहरीले जानकारी दिएको छ।
शनिबार बेलुका ६ बजेतिर पूर्वबाट पश्चिमतर्फ जाँदै गरेको लु १ ख ९५०६ नं. को ट्रकले ठक्कर दिँदा प्यूठान जिल्ला सरुमारानी गाउँपालिका वडा नम्बर २ दर्भान निवासी बालकको घटनास्थलमै मृत्यु भएको थियो। आदर्श नमूना मावि लालमटियामा कक्षा ४ मा अध्ययनरत थिए। ठक्कर दिने चालकलाई प्रहरीले नियन्त्रणमा लिएको छ।
