ललितपुरको लाकुरीभञ्याङस्थित प्रहरी प्रभागमा पेस्तोल सफा गर्ने क्रममा पड्किदा प्रहरी जवान घाइते भएका छन् । शुक्रबारराती असइ रमेश तामाङले बोक्ने गरेको पेस्तोल पड्किदाँ प्रहरी जवान रोशन श्रेष्ठ घाइते भएका छन् ।
विपत ब्यवथापन विभागमा कार्यरत श्रेष्ठ गाउँले साथीलाई भेट्न लाकुरीभञ्याङ गएका थिए। उनीहरु दुवै जना दोलखाका हुन। पेस्तोल पड्किदाँ श्रेष्ठको वायाँ गालाबाट छिरेको गोली दायाँ गालाबाट निस्केको छ।
असइ तामाङले भुल बस गोली चल्न गएको बताएका छन् । घटनापछि असइ तामाङ ललितपुर प्रहरी परिसरको नियन्त्रणमा छन् ।
श्रेष्ठको अहिले नेपाल प्रहरी अस्पताल महाराजगंजमा उपचार भइरहेको छ। उनको अवस्था गम्भिर छ।
'अहिलेसम्म अनुसन्धान गर्दा कुनै झगडा नभइ भुलबस गोली चल्न गएको देखिन्छ,' एसपी शेखर खनालले भने, 'हामी थप अनुसन्धानमा जुटेका छौं ।'
