रुपन्देहीको शंकरपुरमा प्रहरीमाथि बिहिबार राति आक्रमण भएको छ। भारतबाट हतियारसहित छिरेका ब्यक्तिहरुलाई नियन्त्रणमा लिने क्रममा त्यहाँ ड्युटीमा रहेका प्रहरीमाथि आक्रमण भएको हो। पक्राउ गर्ने क्रममा उनीहरु चिच्याएपछि भारतबाट आएको अर्को समुहले प्रहरीमाथि लाठी प्रहार गरेका थिए।
आक्रमणबाट ३ जना प्रहरी घाइते भएका छन्। प्रहरी तेजबहादुर कुँबर, प्रेमबहादुर आले र विक्रम मल्ल घाइते भएका हुन्।
प्रहरीमाथि आक्रमण भएपछि प्रहरीले हवाइ फायर समेत गरेको थियो। प्रहरीमाथि नै पेस्तोल ताकेपछि भारत महाराजगंजका झिनक धोबी अटोमेटिक पेस्तोलसहित पक्राउ परेको रुपन्देहीका डिएसपी धर्म भण्डारीले जानकारी दिए।
प्रहरीको गोली लागेपछि भारत भागेका महाराजगंज सुनौली थानाका दिलिप धोबीको उतै मृत्यु भएको हो।
'उनको उपचारको क्रममा भारतमा नै मृत्यु भएको जानकारी आएको छ', डिएसपी भण्डारीले भने।
