सार्वजनिक बसमा यौन हर्कत गर्ने एक युवकलाई प्रहरीले सार्वजनिक गरेको छ।
झण्डै एक वर्षअघि माघ ११ गते काठमाडौंको एक सार्वजनिक बसमा वीर्य निकालेर महिलाको कपालमा हालेको अभियोगमा रविन सार्की भन्ने रविन रुचाललाई पक्राउ गरी प्रहरीले मंगलबार सार्वजनिक गरेको हो।
तनहुँ घर भई चितवनमा लुक्दै आएका उनी बानेश्वरमा बसेर रिक्सा चलाउँदै आएका थिए।
तीन वर्ष काठमाडौंमा रिक्सा चलाएका उनले एक वर्ष अघि वीर्य महिलाको कपालमा हालिदिएको भिडिओ सार्वजनिक गरेका थिए।
चर्को आलोचना र फेसबुकबाटै उनलाई धम्की आएपछि उनी भारतको नयाँ दिल्ली गएको अपराध महाशाखाका एसएसपी सहकुल थापाले बताए।
नयाँ दिल्लीमा केही महिना म:म पसलमा काम गरेपछि उनी केही महिना कास्मिर पुगेर काम गरेका थिए।
कास्मिरपछि फेरि नयाँ दिल्ली गई काम गरेर केही महिनाअघि मात्र चितवन आएका बेला अपराध महाशाखाको टोलीले उनलाई नियन्त्रणमा लिएको हो।
