धनुषामा सवारी दुर्घटना हुँदा श्रीमान् र श्रीमतीको मृत्यु भएको छ। मृत्यु हुनेमा गणेशमान चारनाथ नगरपालिका वडा नम्बर ४ का ५० वर्षीय जोगेन्द्र साह र उनकी श्रीमती ४० वर्षीय प्रमिला साह रहेका छन्।
पूर्वपश्चिम राजमार्ग खण्ड अन्तर्गत पश्चिमबाट पूर्वतर्फ आउँदै गरेको बा ६४ प ३०४७ नम्बरको मोटरसाइकल र विपरित दिशाबाट आउँदै गरेको स १ च १८५८ नम्बरको पिकअप भ्यान एक आपसमा ठोक्किँदा दुबै जनाको घटनास्थलमै मृत्यु भएको धनुषाका प्रहरी नायव उपरीक्षक (डिएसपी) रामेश्वर कार्कीले बताए।
धनुषाको गोदारमा भएकाे साे दुर्घटनामा दम्पत्तिको १० वर्षीय छोरा जोन कुमार साह घाइते भएका छन्। घाइते जोनको अवस्था सामान्य रहेको डिएसपी कार्कीले बताए। उनकाे गोदारस्थित समर अस्पतालमा उपचार भइरहेको छ।
मृतक दुबैको शव परीक्षणका लागि जनकपुरस्थित प्रादेशिक अस्पताल ल्याइएको प्रहरीले जनाएको छ ।
