मकवानपुरमा श्रीमतीको हत्या आरोपमा श्रीमान पक्राउ परेका छन्।
प्रहरीले सोमबार मकवानपुर गढी गाउँपालिका-२ स्थित भालङटारका ४६ वर्षीय देवराज गोलेलाई पक्राउ गरेको जिल्ला प्रहरी कार्यालयका प्रहरी नायब उपरीक्षक (डिएसपी) इन्द्रबहादुर रानाले बताए।
उनीमाथि ४६ वर्षीय श्रीमाया गोलेको हत्याको आरोप छ।
सोमबार बिहान ४ बजे गोलेको घरमा श्रीमती श्रीमाया मृत फेला परेको भन्ने खबर प्रहरीले पाएको थियो।
खबरपछि कार्यालयबाट डिएसपी रानाको कमाण्डमा टोली खटिएको थियो। अनुसन्धानको क्रममा मृतक श्रीमाया गोलेको मृत्यु शंकास्पद भएपछि प्रहरीले उनीमाथि अनुसन्धान गर्न नियन्त्रणमा लिएको थियो।
प्रारम्भिक अनुसन्धानबाट श्रीमान देवराज गोलेको संलग्नता देखिएपछि नियन्त्रणमा लिएको डिएसपी रानाले बताए। उनीमाथि प्रहरीले थप अनुसन्धान गरिरहेको छ।
