काठमाडौंमा बढेको सवारी जाम, गन्तव्यमा पुग्न सधैं सकस (तस्बिरहरू)

नवीनबाबु गुरूङ

काठमाडौं, मंसिर २१

तपाईँ काठमाडौं शहरमा कतै यात्रा गर्दै हुनुहुन्छ या काम विशेषले कतै निस्कँदै हुनुहुन्छ भने निर्धारित समयभन्दा केही बढी समय लिएर निस्कनुहोला। कार्यालय समयमा त लामो जाममा फस्नसक्नुहुन्छ।

काठमाडौंमा हिजोआज अत्यधिक सवारी जाम हुने गरेको छ। कतिपय ठाउँमा घन्टौं जाममा फसेर भनेको समयमा नपुग्ने उदाहरण प्रसस्तै छन्।

लामो समयको बन्दाबन्दीपछि जनजीवन जीवन सहज हुँदै गर्दा राजधानीको सवारी ब्यवस्थापन भने अस्तव्यस्त देखिन्छ।

स्कुल कलेज कार्यालय खुलेका छन्। जनजीवन सामान्य छ। तर ट्राफिक ब्यवस्थापनमा ठूलो समस्या देखिएको छ। पछिल्लो समय ठूला सडकको जाम छल्नलाई स-साना गल्लीका बाटो प्रयोग गर्दा त्यहाँसमेत असामान्य सवारी जाम देखिन्छ। अझै पनि अधिकांश स्थानमा सडक बत्ती छैनन्। ट्राफिक प्रहरीले हातकै इसाराले समास्या समाधान गरिरहेका हुन्छन्।

राजधानीमा बेला बेला हुने आन्दोलन, र्‍याली, भिभीआईपीको सवारी आदिले पनि ट्राफिक जाम हुने गरेको देखिन्छ। काठमाडौंको केही ठाउँमा मंगलबार देखिएको सवारी जाम तस्बिरमा हेर्नुहोस्।