कञ्चनपुरमा अटो रिक्सा र मोटरसाइकल एक आपसमा ठोक्किँदा एक जनाको मृत्यु भएको छ भने अर्का एक व्यक्ति घाइते भएका छन्।
जिल्ला प्रहरी कार्यालयले कञ्चनपुरका अनुसार दुर्घटनामा पुनर्वास नगरपालिका-३ की माया तामाङको मृत्यु भएको हो।
मंगलबार पुनर्वास नगरपालिका-२ मोती बस्तीमा सुदूरपश्चिम प्रदेश ०१-००१ ह ४९१३ नम्बरको अटो रिक्सा र से ४ प २९६७ नम्बरको मोटरसाइकल ठोक्किएकाे थियो। उपचारको क्रममा धनगढीस्थित माया मेट्रो अस्पतालमा तामाङको बुधवार मृत्यु भएको प्रहरीले जनाएको छ।
मोटरसाइकका चालक आइतेबहादुर तामाङ घाइते छन्। उनको उपचार भइरहेको जनाइएको छ।
