जापानी खाना र पेय पदार्थका पारखीलाई लक्षित गरी काठमाडौंमा तीन दिने ‘उत्सव’ हुने भएको छ।
र्याडिसन होटल परिसरस्थित होक्काइदो रेष्टुरेन्टले वैशाख २८, २९ र ३० गते हुने उत्सव गर्न लागेको बताएको छ।
साँझ साढे ६ बजेदेखि राति साढे ९ बजेसम्म सञ्चालन हुने जापानी खाना, पेय र संगीतको उत्सवमा काठमाडौंमा रहेका पारखीले फरक स्वाद लिन सक्ने सञ्चालक अर्जुन अधिकारीले बताए।
आयोजकले उत्सवलाई नेपालमा ‘इजाकायाको उत्कृष्ट अनुभव अवसर’ समेत भनेको छ।
‘इजाकाया’ जापानको परम्परागत र लोकप्रिय अभ्यास हो, जहाँ दिनभरिको कामपछि मानिसहरू पेय र खानाका लागि जम्मा हुन्छन्।
सञ्चालक अधिकारीले जपानको त्यही लोकप्रिय अभ्यास नेपालीबीच पुर्याउन र जपानी खानाको स्वाद, सुगन्ध र सजावटको आनन्द दिन उत्सव आयोजना गरिएको जानकारी दिए।
उत्सवमा खानाको परिकारअनुसार प्रति व्यक्ति ४ हजार ४ सय, २ हजार ७ सय र १ हजार ७ सयको गरी तीन प्रकारका मेनु राखिएको छ।
