बागलुङको बडिगाड गाउँपालिका वडा नम्बर ९ दर्लिङखोलामा पहिरोमा पुरिएर एक जनाको मृत्यु भएको छ।
भीमगोठस्थित इलाका प्रहरी कार्यालयका अनुसार पहिरोमा परी १५ वर्षीय विधान परियारको मृत्यु भएको हो।
उनको शव परीक्षणका लागि बुर्तिबाङ प्राथमिक स्वास्थ्य केन्द्र लगिएको छ।
साथै बडिगाड गाउँपालिका वडा नम्बर १० दर्लिङमा तीन वटा घर पुरिएका छन्।
विकट स्थानमा पहिरो खसेकाले त्यहाँ पुग्न कठिन भएको प्रहरीले जनाएको छ।
ती घरमा मानिस भएनभएको यकिन हुन बाँकी रहेको वडा नम्बर ९ का वडाअध्यक्ष कृष्ण बहादुर केसीले बताए।
