बागलुङमा पहिरोमा पुरिएर सात जनाको मृत्यु भएको छ।
चार जना घाइते भएका छन्।
पहिरोमा पुरिएका चार जनाको उद्धार गरिएको छ।
मंगलबार बिहान बडिगाड गाउँपालिका वडा नम्बर ९ मा एक घर पुरिँदा दुई जना र सोही पालिकाको वडा– १० आरुपाटास्थित जोगलाल बुढाको घर पुरिँदा पाँच जनाको मृत्यु भएको हो।
पहिरोले घर पुरिँदा बेपत्ता भएकामध्ये छ जनाको शव निकालिएको सहायक प्रमुख जिल्ला अधिकारी चित्राङ्गत बरालले बताए।
पहिरोमा पुरिएका चार जनाको उद्धार गरिएको छ। उनीहरू घाइते छन्। घाइतेमध्ये दुई जनाको अवस्था गम्भीर छ।
