चितनको माडीमा खोलाले बगाएर सोमबार एक जनाको मृत्यु भएको छ।
माडी नगरपालिका–९ का ५० वर्षीय काजिमान प्रजालाई खोलाले बगाएको थियो।
प्रमुख जिल्ला अधिकारी इन्द्रदेव यादवका अनुसार उनलाई सोमबार दिउँसो स्याउलीबाट कुसुमखोला बस्ती जाने क्रममा खोलाले बगाएको थियो। प्रजाको शव घटनास्थलबाट पाँच सय मिटर तल भेटिएको थियो।
यस्तै माडीमा नै खोलाले मोटरसाइकल पनि बगाएको छ। सोमबार दिउँसो माडीबाट ठोरी पर्सा जाने क्रममा बागमती प्रदेश ०३–०२ प ९५८६ नम्बरको मोटरसाइकल बाँदरझुलास्थित अम्बुवा खोलाले बगाएको हो।
मोटरसाइकल चालक भरतपुर महानगरपालिका–२८ का ३७ वर्षीय पवन चापागाईं खोलाले बगाएको बुट्यानमा अड्किएर बाँच्न सफल भएको प्रमुख जिल्ला अधिकारी यादवले जानकारी दिए। उनको सकुशल उद्धार गरिएको छ।
