पूर्वपश्चिम राजमार्ग अन्तर्गत मकवानपुरको हेटौंडा उपमहानगरपालिका–१ गोरक्षेश्वर मन्दिर नजिकै ग्यास बुलेटको ठक्करबाट गए राति साइकलयात्रीको मृत्यु भएको छ।
हेटौंडाबाट थानाभर्याङतर्फ जाँदै गरेको एनएल ०१ एल ९०२६ नम्बरको ग्यास बुलेटले ठक्कर दिँदा साइकलयात्री भक्तपुरको सुँडाल घर भइ हेटौंडा उपमहानगरपालिका–११ थानाभर्याङ बस्ने ६० वर्षीय रमेश पाण्डेको मृत्यु भएको प्रहरीले जनाएको छ।
जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक लक्ष्मी भण्डारीका अनुसार ठक्करबाट गम्भीर घाइते पाण्डेलाई उपचारका लागि हेटौंडा अस्पताल लैजाने क्रममा बाटोमै मृत्यु भएको हो।
प्रहरीले बुलेट र चालकलाई नियन्त्रणमा लिएर अनुसन्धान सुरू गरेको जनाएको छ।
