काभ्रेमा दुर्घटनामा परी घाइते भएका चालकको उपचारको क्रममा मृत्यु भएको छ।
बिहीबार दिउँसो १ बजे पाँचखाल नगरपालिका-५ ३७ किलो केराघारीस्थित अरनिको राजमार्गमा धुलिखेलबाट पाँचखाल जाँदै गरेको ट्रक सडकबाट खसेको हो।
बा ५ ख १२८१ नम्बरको गाडी आफैं अनियन्त्रित भएर अन्दाजी ७० मिटर तल खसेको हो।
चालक सिन्धुली मरिण गाउँपालिका-१ बस्ने वर्ष २८ को रमेश ठाडाको धुलिखेल अस्पतालमा उपचारको क्रममा मृत्यु भएको हो।
उनको सवा ३ बजे मृत्यु भएको जिल्ला प्रहरी कार्यालय काभ्रेले जनाएको छ।
