भक्तपुरमा पहिरोमा पुरिँदा गर्भवती महिलासहित तीन जनाको मृत्यु भएको छ।
सशस्त्र प्रहरी बलका सहप्रवक्ता डिएसपी शैलेन्द्र थापाका अनुसार सूर्यविनायक नगरपालिका-९ पलाँसेमा रहेको एक टहरामा पहिरो खस्दा तीन जनाको मृत्यु भएको हो।
कालिकोट घर भई सोही टहरामा बस्दै आएकी २४ वर्षीया दमिला शाही, उनकी ४ वर्षीया प्रिया बम र १४ वर्षीया साली मनिषा शाहीको मृत्यु भएको हो।
दमिला गर्भवती समेत रहेको सहप्रवक्ता एवं डिएसपी थापाले जानकारी दिए।
पहिरो खसेपछि सशस्त्र प्रहरी बल नेपाल नम्बर २२ गण गुहेश्वरी भक्तपुर मातहतबाट खटिएको टोलीले तीन जनाको शव निकालेको हो।
शव पोष्टमर्टमको लागि लैजान तयारी भइरहेको प्रहरीले जनाएको छ।
