सर्लाहीमा सोती खोलाले बगाएको बालकको शव तीन दिनपछि फेला परेको छ।
गत असोज १२ गतेको अविरल वर्षापछि सोती खोलामा आएको भेलमा बगी बागमती नगरपालिका–९, सोगारत महतोका १४ वर्षीय छोरा मुकेश बेपत्ता भएका थिए।
बेपत्ता बालकको निरन्तर खोजी गर्ने क्रममा सोमबार शव फेला परेको इलाका प्रहरी कार्यालय बरहथवाका प्रमुख प्रहरी नायब उपरीक्षक गौतम थापाले जानकारी दिए।
बालकको शव परीक्षणका लागि प्रादेशिक अस्पताल मलङ्गवा पठाउने तयारी भएको प्रहरीले जनाएको छ।
