झापा गाउँपालिका–२ स्थित सुगाबथान क्षेत्रमा माइखोलाको बाढी बस्तीमा पस्दा २२ घर डुबानमा परेका छन्।
मनसुन सुरू भएसँगै गए राति माइखोलामा आएको बाढी बस्तीमा पसेपछि स्थानीयहरू सुरक्षित स्थानतर्फ सरेका छन् ।
वडाध्यक्ष हिमाल चाम्लागाईका अनुसार सुगाबथान, मिलनबस्ती, कुवाडी, सडकबस्तीलगायत क्षेत्रमा बाढी पस्दा ६० बिघाभन्दा बढी क्षेत्रफलमा लगाइएको मकैखेतीमा क्षति पुगेको छ।
'माइखोलामा सामान्य बाढी आउँदा मात्रै यस्तो अवस्था भएको हो,' अध्यक्ष चाम्लागाईले भन्नुभयो, 'ठूलो वर्षा भयो भने झापा गाउँपालिकाका वडा नं १ र २ का तीन हजार घरधुरी विस्थापित हुने जोखिम छ।'
यस वर्ष सदरदभन्दा बढी वर्षा हुने मौसम पूर्वानुमान विभागको सूचनापछि स्थानीयवासीहरूमा बाढीको त्रास बढेको छ।
