धादिङमा निजी जग्गामाथि कालोपत्र गरेको भन्दै छेकबार लगाइएको छ।
सडक विभागले धादिङ-धार्के सडकखण्डमा धुनिबेशी नगरपालिका-५ मा रहेको निजी जग्गामाथि कालोपत्र गरेको आरोप लागेको हो।
सडक विभागको लापरबाहीका कारणले विमला महर्जनको ३ रोपनी १५ आना २ पैसा जग्गामा कालोपत्र गरिएको भन्दै नेवा: राष्ट्रिय परिषदका अध्यक्ष सुमन सायमी लगायतको टोलीले बिहीबार छेकबार लगाएका हुन्।
विमला महर्जनले जग्गा मापदण्ड अनुसार बाटोमा दिनुपर्ने जग्गा बाहेक बाँकी जमिन फिर्ता माग गरेकी छन्।
जिल्ला प्रहरी कार्यालय धादिङका डिएसपी सुबास हमालले अहिले छलफल भइरहेको बताए।
‘हिजो छेकबार लगाएका हुन्। यस विषयमा सडक विभागसँग सरोकारवालाले छलफल गरिरहेका छन्,’ उनले भने।
-1755241369.jpg)
-1746009348.jpg)
