नेपाल प्रहरीका महानिरीक्षक (आइजिपी) दीपक थापासँगै दुई जना अतिरिक्त महानिरीक्षक (एआइजी) को पनि बिदाइ भएको छ।
बुधबार मध्यरातिदेखि दीपक थापा ३० वर्षे उमेर हदले अवकाशमा जाँदैछन्। थापा २०५२ भदौ १९ गते प्रहरी निरीक्षक पदबाट सेवामा प्रवेश गरेका थिए। थापालाई २०८१ चैत ४ सरकारले आइजिपी बनाएको थियो।
त्यही दिन हाल एआइजी रहेका सुदिप गिरी र टेकप्रसाद तामाङ पनि प्रहरी सेवामा प्रवेश गरेका थिए। त्यसैले तीनै जना एकसाथ अवकाशमा जान लागेका हुन्।
उनीहरू तीनै जनालाई प्रहरी प्रधान कार्यालय नक्सालमा एआइजी चन्द्रकुबेर खापुङले बिदाइ गरेका हुन्।
त्यसअघि आइजिपी थापालाई गृहमन्त्री रमेश लेखकले गृह मन्त्रालयमा कार्यक्रम आयोजना गरी बिदाइ गरिसकेका छन्।
केन्द्रीय अनुसन्धान ब्युरोका प्रमुख रहेका एआइजी चन्द्रकुबेर खापुङलाई सरकारले प्रहरीको ३२ औं आइजिपी बनाउने निर्णय गरिसकेको छ। उनले बिहीबारदेखि आइजिपीको कार्यभार सम्हाल्नेछन्।
उनी आइजिपी बनेपछि प्रहरीमा चार वटा एआइजीको पद रिक्त हुनेछ। यसअघि भदौ १३ गते मध्यरातिदेखि एआइजी कृष्णहरि शर्मा पनि अवकाशमा गएका थिए।
-1746009348.jpg)
