काठमाडौंमा पार्किङमा राखेको स्कुटरको डिक्की फुटाएर चोरी गरेको आरोपमा दुई जना पक्राउ परेका छन्।
काठमाडौं महानगरपालिका-३० डिल्लीबजार कारागार कार्यालयको पार्किङमा राखेको स्कुटरको डिक्की फुटाएर चोरी गरेको आरोपमा दुई जनालाई पक्राउ गरेको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
आइतबार बा ७६ प ७२५२ नम्बरको स्कुटरमा रहेको सामान चोरी भएको हो।
चोरी आरोपमा सोलुखुम्बुका ३४ वर्षीय सबिनकुमार श्रेष्ठ र काभ्रेका ३१ वर्षीय पाल्साङ दोर्जे छन्। उनीहरूले कारागारमा रहेका कैदी भेट्न आएका परिवारको स्कुटर चोरी गरेको एसपी बोहराले बताए।
उनीहरूले १२ हजार नगद, पर्ससहित एटिएम कार्ड, आइफोन, सामसङ र ओप्पो कम्पनीका मोबाइल चोरी गरेको आरोप छ।
पक्राउ परेका दुबै जनामाथि पाँच दिन हिरासतमा राख्न अनुमति लिएको छ।
-1746009348.jpg)
