सिरहामा भएको बालक अपहरण र हत्या घटनामा अपहरणकर्ताले ५ करोड रूपैयाँ फिरौती मागेको खुलेको छ।
गोलबजार नगरपालिका-१३ का १५ वर्षीय अभिषेक सिंहको अपहरणपछि हत्या गरिएको अवस्थामा शव फेला परेको हो। उनी आइतबार रातिदेखि परिवारको सम्पर्कमा थिएनन्।
उनको शव मंगलबार बिहान घर नजिकै भेटिएको जिल्ला प्रहरी कार्यालय सिरहाका एसपी अनन्त राम शर्माले जानकारी दिए।
'बालकको शव गाउँ नजिकै भेटिएको छ। त्यसैले नजिकका ७/८ जना आफन्तहरूलाई नियन्त्रणमा लिएर सोधपुछ गरिरहेका छौं,' एसपी शर्माले भने।
आइतबार रातिदेखि परिवारको सम्पर्कमा नआएपछि वरपर सबैतिर खोज्दा पनि उनी फेला पर्न सकेका थिएनन्।
'त्यसपछि परिवारलाई तपाईंको छोरा अपहरणमा परेको भनी मेसेज आएको र ५ करोड रूपैयाँ फिरौती माग गरिएको अनुसन्धानबाट खुलेको छ,' एसपी शर्माले भने।
अहिले आफन्तहरूलाई नियन्त्रणमा लिएर थप अनुसन्धान भइरहेको उनले जानकरी दिए।
-1746009348.jpg)
