शुक्रबार रातिदेखि परेको अविरल पानीका कारण बन्द रहेको त्रिभुवन विमानस्थलको आन्तरिक उडान अहिले पनि खुलेको छैन।
लगातारको झरीले उडान गर्ने अवस्था नभएपछि बिहानबाट १० बजेसम्मका लागि आन्तरिक उडान बन्द गरिएको थियो। त्यसपछि मौसमको अवस्था हेरेर उडान सुरू गर्ने कि नगर्ने निर्णय गर्ने भनिएकोमा फेरि ३ बजेसम्म बन्द रहने भनिएको छ।
त्यसपछि मौसम हेरेर निर्णय गरिने सूचना विमानस्थलले सबै हवाई सेवा कम्पनीहरूलाई दिएको छ।
मौसम पूर्वानुमान महाशाखाले सोमबारसम्म पानी परिरहने अनुमान गरेको छ।
-1746009348.jpg)
