प्रहरीले जुवा खेलेको आरोपमा २६ जना पक्राउ परेका छन्।
दाङको घोराही र बाँकेको कोहलपुरबाट जुवा खेलेको आरोपमा २६ जनालाई पक्राउ गरेको हो। जसमा घोराही उपमहानगरपालिकाबाट १५ र कोहलपुरबाट ११ जनालाई पक्राउ गरेको हो।
घोराहीउपमहानगरपालिका स्थित रहेको ‘टी थ्री’ होटेलबाट सोही उपमहानगरपालिकाको वडा-१८ को वडाध्यक्ष भरतमणि अर्यालसहित १५ जनालाई पक्राउ गरेको हो।
अर्याल नेकपा एमालेबाट निर्वाचित वडाध्यक्ष हुन्।
बाँकेको कोहलपुर नगरपालिका- १५ चौधरीयागाउँमा नगदसहित ११ जना जुवाडे पक्राउ परेको इलाका प्रहरी कार्यालय कोहलपुरका प्रमुख डिएसपी चक्रडम्बर पालले जानकारी दिए।
प्रहरी स्रोतका अनुसार कतिपय जुवा भइ रहेको ठाउँ र स्थानवारे उनीहरुका श्रीमतिले नै सूचना दिएको हुँदा प्रहरी छापा हान्न पुगेको थियो भने कतिपय ठाउँमा उनीहरुकै साथीले सूचना दिएका थिए।
यी विभिन्न ठाउँबाट ८ लाख भन्दा बढी रकम बरामद भएको प्रहरीले जनाएको छ।
-1746009348.jpg)
