इन्टरपोलले रेड नोटिस जारी गरेका व्यक्ति मलेसियाबाट पक्राउ परेका छन्।
ठगी तथा संगठित अपराध मुद्दामा रेड नोटिस जारी भएका रौतहट कटहरिया नगरपालिका-१ का आकाशप्रसाद कुशवाहा पक्राउ परेका हुन्।
एनसिबि क्वालालम्पुरको समन्वयमा मलेसियामा पक्राउ परेका उनलाई सम्बन्धित मुद्दामा कारवाही गर्नका लागि शनिबार नेपाल फिर्ता गरिएको हो।
उक्त मुद्दामा संलग्न रही फरार रहेका उनलाई अन्तर्राष्ट्रिय स्तरमा खोजी गरी पक्राउ गर्न नेपाल प्रहरी प्रधान कार्यालय अपराध अनुसन्धान विभाग इन्टरपोल शाखाले अनुरोध गरेको थियो। इन्टरपोल महासचिवालयबाट २०८० मंसिर २१ गते उनीविरूद्ध रेड नोटिस जारी गरेको थियो।
उनलाई थप अनुसन्धान एवं कारबाहीको लागि इलाका प्रहरी कार्यालय चन्द्रनिगाहपुर रौतहटलाई बुझाएको छ।
-1763106181.jpg)
-1746009348.jpg)
