भदौ २३ र २४ गते भएको जेनजी आन्दोलनमा बानेश्वरमा रहेको सशस्त्रको सुरक्षा बेस र हतियार नजोगाएको भन्दै सशस्त्र प्रहरी बलले डिएसपी गौतम कुँवरलाई कारबाही सिफारिस गरेको छ।
सशस्त्रले आन्तरिक रूपमा छानबिन गरी डिएसपी गौतमलाई कारबाही सिफारिस गरेको स्रोतले बतायो।
उनीमाथि के कारबाही गर्न लागिएको हो भन्ने प्रष्ट भइसकेको छैन।
‘भदौ २४ गते सुरक्षा बेसमा रहेका ११ वटा हतियार जलेका थिए। त्यहाँ सुरक्षा चुक देखिएकाले समितिले कारबाही सिफारिस गरेको हो,’ सशस्त्र स्रोतले भन्यो।
प्रदर्शनकारीहरू भदौ २४ गते यातायात व्यवस्था कार्यालयमा तोडफोड र आगजनी गर्न पुगेको थियो। सशस्त्र प्रहरी बलको कार्यालय त्यहीँ छ। त्यस क्रममा प्रदर्शनकारीले बेसमा समेत तोडफोड र आगजनी गरेको थियो। त्यसक्रममा हतियार समेत जलेका थिए।
-1763886130.jpeg)
-1746009348.jpg)
