भक्तपुर नगरपालिकाका स्थानीय तहका जनप्रतिनिधिहरुले सडक बोर्ड खारेज गर्न सरकारसँग माग गरेका छन् । बिहिबार काठमाडौंमा आयोजित ‘दिगो सडक मर्मत, सम्भार र स्थानीय सरकारको भूमिका एवम् दायित्व’ विषयक अन्तरक्रिया कार्यक्रममा भक्तपुर नगरपालिकाका मेयर सुनिल प्रजापतिले दिएको जिम्मेवारी पूरा नगर्ने सडक बोर्ड खारेज गर्नुपर्ने माग गरेका हुन् ।
उनले सडकको उचित व्यवस्थापन गर्न स्थानीय तहमा सोझै बजेट पठाउने कानूनी व्यवस्था गर्न पनि सरकारसँग माग गरेका छन् । कार्यक्रममा बोल्दै मेयर प्रजापतिले सडकको जीर्ण अवस्थाकै कारण देशका विभिन्न भागमा मानिसहरुको ज्यानै जाँदा समेत पनि सडक बोर्ड जिम्मेवार नदेखिएको स्पष्ट पारे । उनले सडकको उचित व्यवस्थापनको काम स्थानीय सरकारले मात्रै गर्न सक्ने दाबी समेत गरे ।
‘राजधानी काठमाडौंको सडकको अवस्था हेरेपछि सडक बोर्डको गैरजिम्मेवारपन प्रष्ट झल्केको छ ।’, उनले भने ‘सडक बोर्डले सडक मर्मत, सम्हारका लागि वार्षिक ४ अर्ब बजेट पाउने गरेको छ । तर ती बजेट कामै नगरी खर्च हुने गरेको छ ।’ सडक बोर्ड सडकको मर्मत, सम्भार गर्ने जिम्मेवार सरकारी निकाय हो । बोर्ड आफ्नो कामप्रति जिम्मेवार नदेखिएको मेयर प्रजापतिको आरोप छ ।
-1746009348.jpg)
