अविरल वर्षासँगै आएको बाढीमा परी मोरङमा सोमबारसम्म १८ जनाको मृत्यु भएको छ ।
सोमबारसम्ममा १८ जनाको मृत शरीर भेटिएको जिल्ला प्रहरी कार्यालय मोरङका प्रहरी उपरीक्षक अरुणकुमार बिसीले जानकारी दिए । उनले सोमबार मात्रै १२ जनाको शव भेटिएको पनि जानकारी दिए ।
उनका अनुसार मृतकमध्ये १४ जनाको पहिचान भइसकेको छ भने बाँकी चार जनाको पहिचान गर्ने काम भइरहेको छ । तीमध्ये बाढीले बगाएर लगेका अवस्थामा चार जनाको शव भारतीय क्षेत्रमा फेला पारिएको हो ।
पछिल्लो तथ्यांकअनुसार बाढीबाट सबैभन्दा बढी मानवीय क्षति भएको जिल्ला मोरङ हो । आइतबारसम्म छ जनाको मृत्यु भएको प्रहरीले बताएको थियो । तर सोमबार मात्रै १२ जनाको शव फेला परेको जनाइएको छ । रासस
-1746009348.jpg)
