विराटनगर र आसपासका क्षेत्रमा मंगलबार साँझबाट बत्ती दिने गरी काम भइरहेको नेपाल विद्युत प्राधिकरणले जनाएको छ।
शुक्रबार आएको बाढीले सुुनसरीको दुहबीमा रहेको सवस्टेशन डुबानमा परेपछि चार दिनदेखि मोरङ र सुनसरीमा बिजुली वितरण अवरुद्ध भएको छ। ‘अहिले प्राविधिकको टोली कन्ट्रोल प्यानलका सामानहरुको चेक जाँच गरिरहेका छन्, कुनै ठूलै सामान फेर्न परेन भने साँझसम्म सवस्टेशन चार्ज गर्छौैं’, प्राधिकरणका कार्यकारी निर्देशक कुलमान घिसिङले भने।
शुक्रबार रातिदेखिको वर्षाले शनिबार दुहवीको सवस्टेशनमा पाँच फिटजति पानी जमेको थियो। पानी जम्दा कन्ट्रोल प्यानल र ट्रान्सफर्मर पनि डुबेको थियो। ‘डुबेका सामान निकालेर केहीलाई सुकाउँदैछन्, केही त फेर्नु नै परेको छ,’ घिसिङले भने, ‘प्राविधिकहरूले हिजो रातभरि पनि काम गरेका छन्, ठूलै सामान फेर्न परेन भने साँझसम्म बत्ती हाम्रो तयारी छ।’
-1746009348.jpg)
