कास्कीको माछापुच्छ्रे गाउँपालिका–५, रिभान पात्लेका बाढी पीडितलाई आज ग्याससहितको सिलिण्डर र चूल्हो वितरण गरिएको छ ।
रोटरी क्लव अफ न्यूरोडले बाढीबाट पीडित १३ घर परिवारलाई एक-एकवटा ग्यास सिलिण्डर र चूल्हो वितरण गरेको वडाध्यक्ष जुमबहादुर गुरुङले जानकारी दिए ।
कास्कीका प्रमुख जिल्ला अधिकारी ताराप्रसाद अधिकारी, संस्थाका अध्यक्ष प्रेमप्रसाद शर्मा, वडाध्यक्ष गुरुङलगायतले करीब ७१ हजार रुपैयाँ बराबरको राहत वितरण गरेका थिए ।
बाढी पीडित परिवारलाई एसओएस वहिनी संस्थालगायतले ४४ बण्डल कर्कटपाता वितरण गरेका छन् । त्यस्तै, खाद्यान्न, लत्ता कपडा, भाडावर्तन पनि बाढी पीडितलाई वितरण गरिएको छ ।
यही साउन २४ गते राति हुम्दी खहरे खोलामा आएको बाढी पात्लेगाउँमा पसेर १३ वटा घरलाई पूर्ण क्षति पुर्याएको थियो । रासस
-1746009348.jpg)
