तराईका बाढीपीडितका लागि पोखराका विभिन्न संघसंस्थाले चार लाख १८ हजार रुपैयाँ नगद राहत संकलन गरेका छन् ।
पश्चिमाञ्चल होटल संघले एक लाख ५० हजार रुपैयाँ नगद संकलन गरेको संघका अध्यक्ष विकल तुलाचनले जानकारी दिए । संघका तर्फबाट थप ५१ हजार रुपैयाँ होटल व्यवसायीबाट संकलन गरिएको थियो ।
त्यस्तै पोखरा उद्योग वाणिज्य संघले एक लाख ५६ हजार रुपैयाँभन्दा बढी राहत संकलन गरेको संघका अध्यक्ष विश्वशंकर पालिखेले बताए । संघले एक लाख रुपैयाँको बाढीपीडित राहत कोष स्थापना गरेपछि बाँकी विभिन्न उद्यमी तथा व्यवसायीले सहयोग गरेका थिए ।
यस्तै, अखिल नेपाल राष्ट्रिय स्वतन्त्र विद्यार्थी यूनियनले विभिन्न क्याम्पसमा पुगेर एक लाख १२ हजार रुपैयाँ राहत संकलन गरेको राहत संकलन अभियानका संयोजक विवेक देवकोटाले जानकारी दिए। रासस
-1746009348.jpg)
