नेपाल प्रहरी अस्पतालले सेवा विस्तारका लागि १४ शैय्याको ‘पोष्ट अपरेटिभ वार्ड’ स्थापना गरेको छ ।
स्थानीय पानीपोखरीस्थित अस्पतालको प्राङ्गणमा निर्मित उक्त वार्डको सोमबार प्रहरी महानिरीक्षक प्रकाश अर्यालले उद्घाटन गर्दै क्षेत्रीय प्रहरी अस्पताललाई समेत सुविधासम्पन्न बनाउँदै लैजानुपर्ने बताए । अस्पतालले दिने सेवा दर्जा र हैसियतका आधारमा असमान नहुने उनकोे भनाइ थियो ।
अस्पतालका मेडिकल डाइरेक्टर प्रहरी अतिरिक्त महानिरीक्षक दिनेशचन्द्र पोखरेलले अस्पतालको वार्षिक विनियोजित रकमअन्तर्गत करीब एक करोड ३८ लाख रुपैयाँ लागतमा वार्ड निर्माण भएको जानकारी दिए । कार्यक्रममा अस्पतालमा उत्कृष्ट काम गर्ने कर्मचारीलाई पुरस्कार पनि प्रदान गरिएको थियो । रासस
-1746009348.jpg)
