काठमाडौँ जिल्ला क्रिकेट सङ्घको आयोजनामा भइरहेको जयकुमारनाथ शाह स्मृति यू-१६ अन्तर स्कुल क्रिकेट प्रतियोगिताको उपाधिका लागि सैनिक महाविद्यालय र मोक्षदा स्कुलबीच प्रतिस्पर्धा हुने भएको छ।
शुक्रबार भएका सेमिफाइनल खेल जित्दै दुई टिमले एकअर्काबीचको भिडन्त पक्का गरेका हुन्।
दोस्रो सेमिफाइनल खेलमा मोक्षदाले डिएभि स्कुललाई १२ रनले पराजित गर्यो।
पहिले ब्याटिङ गरेको मोक्षदाले १०५ रन जोडेको थियो। १०६ रनको लक्ष्य पछाएको डिएभि ९३ रनमा अलाउड भयो।
त्यस अघि पहिलो सेमिफाइनलमा सैनिकले एन्जल हर्ट्स स्कुललाई ८८ रनले पराजित गर्यो।
