उपाधिको दाबेदार रहेको लिभरपुल अंक तालिकामा रेलिगेशन जोनमा रहेको पुछारमा टिम स्वान्सी सिटीसँग पराजित भएको छ।
इंग्लिस प्रिमियर लिग फुटबल अन्तर्गत सोमबार राति भएको खेलमा स्वान्सीले लिभरपुललाई १–० ले हराएको हो ।
खेलको ४० औँ मिनेटमा अल्फी माओसनले गरेको गोल नै घरेलु टोली स्वान्सकी चर्चित जित र लिभरपुलको हारको कारण बन्यो । रेलिगेशनबाट जोगिनका लागि संघर्षरत स्वान्सीसँगको खेलमा यसअघिका १८ खेलमा अपराजित रहेको लिभरपुलले गोल गर्ने धेरै राम्रा अवसर गुमाएका थियो।
हारपछि चौथो स्थानको लिभरपुलको २४ खेलबाट ४७ अंक छ र उसले तेस्रो स्थानको चेल्सीसँग अंक बराबरी गर्ने मौका गुमायो। जित निकालेको स्वान्सीको २४ खेलबाट २० अंकसहित अक तालिकाको पुछारमा छ।
