युभेन्टसले इटालियन सिरी ए फुटबलमा सोमबार राति जिनोआलाई १ – ० ले पराजित गरेको छ।
घरेलु मैदानमा भएको खेलमा युभेन्टसलाई जित दिलाउन डुग्लास कोस्टाले निर्णायक गोल गरेका थिए। पहिलो हाफको १६ औं मिनेटमा कोस्टाले गरेको गोल नै युभेन्टसको जितमा निर्णायक बनेको थियो। युभेन्टसले पटकपटक अाक्रमण गरेपनि थप गाेल भने गर्न सकेन।
यो जितसँगै युभेन्टसले लिगमा शिर्ष स्थानको नापोलीविरुद्धको अंक दुरी १ मा झारेको छ। जितपछि दोस्रो स्थानको युभेन्टसको ५३ अंक भएको छ भने शिर्ष स्थानको नापोलीको ५४ अंक छ। जिनोआ २१ अंक जोडेर लिगको १५ औं स्थानमा छ ।
