नेइमार बिनै खेलमा पनि प्रभावशाली जित निकाल्दै पेरिस सेन्ट–जर्मेन (पिएसजी) फ्रेन्च कप फुटबलको अन्तिम १६ मा पुगेको छ ।
चोटका कारण मैदान बाहिर रहेका नेइमार बिना खेलेको पिएसजीले बुधबार राति ग्याङ्गोङलाई ४–२ ले हराउँदै अन्तिम १६ मा स्थान पक्का गरेको हो।
पिएसजीका लागि राबिओट, पास्तोरी र माक्र्युन्होसले गोल गरे। यस्तै ग्याङ्गोङका डेउक्सले आत्मघाति गोल उपहार दिए।
ग्याङ्गोङका लागि थुराम र एनग्बाकोटोले गोल गरेका थिए।
नेइमार नखेले पनि अर्का स्टार काभानीले यो खेलमा गोल गर्न सकेनन्।
