लिभरपुलले इंग्लिस प्रिमियर लिग फुटबलमा हडर्सफिल्डविरूद्ध सहज जित हात पारेको छ। हडर्सफिल्ड क्बल विरुद्ध मंगलबार राति भएको खेलमा लिभरपुल ३–० गोलको विजयी भएको हो।
हडर्सफिल्डको घेरेलु मैदानमा लिभरपुललाई जिताउन इम्री क्यान, रोबेर्टो फिर्मिनो र मोहमद सलहले गोल गरे। घरेलु टोली हडर्सफिल्ड लिभरपुलविरुद्ध सुरुवाती देखि नै दबाबमा खेलेको थियो ।
खेलको २६ औं मिनेटमा क्यानले गोल गर्दै लिभरपुललाई सुरुवाती अग्रता दिलाएका थिए। पहिलो हाफको अन्तिम समयमा रोबेर्टो फिर्मिनोले गोल गर्दै लिभरपुललाई दोब्बर अग्रतामा पुर्याएका थिए ।
दोस्रो हाफमा लिभरपुलले थप १ गोल गरेको हो। हडर्सफिल्डले गोल गर्ने केही राम्रा अवसर खेर फालेको थियो। खेलको ७८ औं मिनेटमा मोहमद सलहले पेनाल्टीबाट गोल गर्दै लिभरपुललाई ३–० गोलको जित दिलाएका हुन् ।
जित पछि लिभरपुल लिगको चौथो स्थानमा याथवत छ । लिभरपुलको २५ खेलबाट ५० अंक भएको छ।
लिगको शीर्ष स्थानमा भने म्यान्चेस्टर सिटीको २४ खेलबाट ६५ अंक रहेको छ । त्यस्तै, दोस्रो स्थानमा रहेको म्यान्चेस्टर युनाइटेडको समान २४ खेलबाट ५३ अंक रहेको छ । साविक विजेता चेल्सी भने २४ खेलबाट ५० अंक जोड्दै तेस्रो स्थानमा छ।
