लुईस सुवारेजको महत्वपूर्ण गोलमा बार्सिलोनाले स्पेनिस कोपा डेल रे सेमिफाइनलको पहिलो लेगमा भ्यालेन्सियामाथि संघर्षपूर्ण जित निकालेको छ।
घरेलु मैदानमा भएको पहिलो लेगमा ला लिगा लिडर बार्सिलोनालाई जिताउन लुइस स्वारेजले निर्णायक गोल गरे।
पहिलो हाफमा गोल रहित बराबरी भएको खेलमा ६७ औं मिनेटमा मेसीको पासमा स्वारेजले गोल गर्दै बार्सिलोनालाई जिताए।
स्वारेजले यो सिजन बार्सिलोनाबाट अहिलेसम्म १९ गोल गरिसकेका छन् ।
लगातार चौथो सिजन स्पेनिस कप प्रतियोगिताको उपाधि जित्ने होडमा रहेको बार्सिलोनाको भ्यालेन्सियामाथि पहिलो लेगको जितसँगै उपाधि यात्रा केही बलियो बनेको छ ।
दोस्रो लेग फेब्रुअरी ८ मा भ्यालेन्सियाको मैदानमा हुनेछ।
