इटालियन सिरी ‘ए’ अन्तर्गत युभेन्टसले सासुओलोलाई ७–० को फराकिलो गोलअन्तरले हराएको छ। खेलमा गोन्जालो हिगुइनले ह्याट्रिक गरेका थिए।
घरेलु मैदानमा सासुओलोमाथि फराकिलो जित निकाल्न युभेन्टसले पहिलो हाफमा ४ र दोस्रो हाफमा ३ गोल गरेको थियो। यस्तै युभेन्टसको लागि सामी खेडिराले दुई तथा एलेक्स सान्ड्रो र मिरालिम पाजनिकले एकएक गोल गरेका थिए।
यो जितसँगै दोस्रो स्थानको युभेन्टसले २३ खेलबाट ५९ अंक बनाएको छ। युभेन्टसले शिर्ष स्थानको नापोलीविरुद्धको अंक दूरी १ मा झारेको छ। लिगमा शिर्ष स्थानको नापोलीको ६० अंक छ। पराजित सासुओलो २२ अंक जोडेर १५ औं स्थानमा छ।
लिग अन्तर्गत आइतबार राति शिर्ष स्थानको नापोलीले बेनेभेन्तोलाई २ – ० ले हराएको थियो। यस्तै रोमाले हेलास भेरोनालाई १ – ० ले हराउदा इन्टर मिलान क्रोटोनेसँग १ – १ गोलको बराबरीमा रोकिएको छ।
