नेपाल र म्यानमारबीच दोस्रो अन्तर्राष्ट्रिय मैत्रीपूर्ण फुटबल खेल आज हुँदैछ। म्यानमारमा हुने खेल नेपाली समयअनुसार दिउँसो सवा चार बजे सुरू हुनेछ।
यसअघि शुक्रबार भएको पहिलो खेल गोलरहित बराबरीमा सकिएको थियो। सो खेलको ६३ मिनेटमा म्यानमारका फियो विनले बलले हातले छोए पछि नेपालले पेनाल्टी पाएको थियो।
तर प्राप्त अवसरमा नेपालका अञ्जनको प्रहारलाई म्यानमारका गोलकिपरले जिन फ्योले विफल पारिदिएका थिए। जसका कारण नेपालले जित र अञ्जनले कीर्तिमान बनाउन चुकेका थिए।
सो खेलमा गोल गरेको भए उनले नेपालका लागि सर्वाधिक अन्तर्राष्ट्रिय गोलको कीर्तिमान बराबरी गर्ने थिए।
अञ्जनले ९ वर्ष राष्ट्रिय टिमबाट खेल्दा १२ गोल गरिसकेका छन्। अब एक गोल गरे उनले हरि खड्का र नीराजन रायमाझीको १३ गोलको कीर्तिमान बराबरी गर्नेछन्।
