नेपाल सुपर लिग टिम झापा एफसीको मार्की खेलाडीको रुपमा राष्ट्रिय टिमका मिडफिल्डर अञ्जन विष्ट आबद्ध भएका छन्।
अघिल्लो संस्करणमा अञ्जन ललितपुर सिटीका मार्की खेलाडी थिए। हाल खेलिरहेका खेलाडी मध्ये राष्ट्रिय टिमका लागि बढी गोल गर्ने अञ्जन यस संस्करणका लागि झापामा आबद्ध भएका हुन्।
उनले राष्ट्रिय टिमका लागि १२ गोल गरिसकेका छन्।
दोस्रो संस्करणको नेपाल सुपर लिग आगामी मंसिर ८ देखि काठमाडौंको दशरथ रंशगालमा हुनेछ। यसपटकको लिगमा ९ टिमबीच प्रतिस्पर्धा हुँदैछ।
त्यसअघि खेलाडी आबद्ध गर्न शनिबार अक्सन हुँदैछ।
नेपाल सुपर लिगका लागि यसअघि बुटवलले एरिक विष्ट, चितवनले विशाल श्रेष्ठ, ललितपुरले अनन्त तामाङ र धनगढीले आशिष चौधरीलाई भित्र्याएका थिए।
