साफ यु-१९ फुटबल च्याम्पियनसिप भारत र पाकिस्तानबीचको फाइनल खेल जारी छ।
शनिबार काठमाडौंको दशरथ रंगशालामा भारत र पाकिस्तानबीच फाइनल खेल भइरहेको हो।
गत बुधबार भएको सेमिफाइनलमा भारतले नेपाललाई पराजित गर्दै फाइनलमा प्रवेश गरेको थियो। त्यस्तै पाकिस्तानले पनि भुटानलाई पराजित गर्दै फाइनलमा प्रवेश गरेको थियो।
उक्त दुबै खेलमा पेनाल्टी शुटआउट भएको थियो।
गत वर्ष भारतमा भएको च्याम्पियनसिपमा घरेलु टिम च्याम्पियन बनेको थियो। त्यसअघि सन् २०१९मा पनि भारत च्याम्पियन बनेको थियो। पाकिस्तानले भने पहिलो पटक साफ यु-१९ फुटबल च्याम्पियनसिप खेलेको हो।
