नेपालले एएफसी फुटसल च्याम्पियनसिप २०२४ को समूह 'डी' को छनोटमा जितबिहीन भएर आफ्नो यात्रा सकेको छ।
नेपालले आफ्नो अन्तिम खेलमा बुधबार घरेलु टिम मंगोलियासँग उलनवटरमा १-१ गोलको बराबरी खेल्यो।
यसअघि अघिल्ला दुई खेलमा पराजित भएको नेपाल समूहबाट बाहिरिएको थियो।
नेपाल पहिलो खेलमा दक्षिण कोरियासँग ५-१ गोलले पराजित भएको थियो।
दोस्रो खेलमा नेपालले भियतनामसँग ५-० गोलको हार ब्यहोरेको थियो।
