युरोपियन च्याम्पियनसिप २०२४ को छनोटअन्तर्गत समूह ‘सी’ को छनोटमा इटालीले माल्टालाई ४-० गोलले हराएको छ।
इटालीको जितमा बोनाभेन्तुराले २२ मिनेटमा पहिलो गोल गर्दा बेरार्डीले पहिलो हाफको इन्जुरी टाइम र ६३ मिनेटमा गरी दुई गोल गरे।
इटालीका लागि चौथो गोल फ्राटेसीले दोस्रो हाफको इन्जुटी टाइममा गरे।
जितसँगै इटालीले समूहमा ५ खेलबाट १० अंक जोड्दै दोस्रो स्थानमा छ। शीर्ष स्थानको इंग्ल्यान्डको १३ अंक छ।
यता डेनमार्कले काजकस्तानलाई ३-१ गोलले हराएको छ। जितसँगै डेनमार्कले समूह ‘एच’ मा शीर्ष स्थानको स्लोभेनियासँग समान १६ अंक जोडेको छ।
