युरो २०२४ का लागि अहिले छनोट प्रतियोगिता भइरहेको छ। जर्मनीमा सन् २०२४ को जुन १४ देखि जुलाई १४ सम्म हुने प्रतियोगितामा २४ टिम प्रतिस्पर्धा हुनेछ।
अहिले छनोट प्रतियोगिता १० समूहमा भइरहेका छन्। जसमध्ये ७ समूहमा ५ टिम र ३ समूहमा ६ टिम गरी जम्मा ४८ टिमले युरो २०२४ मा छनोट हुन प्रतिस्पर्धा गरिरहेका छन्।
१० समूहका शीर्ष दुई टिमले युरो २०२४ मा सिधा स्थान पक्का गर्नेछन्। आयोजकले स्वत: स्थान पक्का गर्दा तेस्रो हुने टिम मध्येबाट प्लेअफबाट तीन टिमले युरो २०२४ मा स्थान बनाउनेछन्।
युरो २०२४ का लागि अहिलेसम्म आयोजक जर्मनीसहित ७ टिमले स्थान पक्का गरिसकेका छन्।
जसमा बेल्जियम (समूह एफ), फ्रान्स (समूह बी), पोर्चुगल (समूह जे), स्पेन (समूह ए), स्कटल्यान्ड (समूह ए) र टर्की (समूह डी) रहेका छन्।
