इंग्लिस प्रिमियर लिगमा आर्सनलले सेफिल्डमाथि ५-० गोलको जित निकालेको छ।
शनिबार भएको खेलमा आर्सनका लागि एनकेइयाले ह्याट्रिक गरे। उनले खेलको २८, ५० र ५८ मिनेटमा गोल गरेका थिए।
यस्तै फावियो भियराले ८८ मिनेटमा पेनाल्टीमा तथा तोमियासुले दोस्रो हाफको इन्जुरी टाइमको छैटौं मिनेटमा थप गोल गरे।
यता चेल्सीमाथि ब्रेन्टफोर्डले २-० को जित निकालेको छ। उसका लागि पिननोकले ५८ र एममेउमोले दोस्रो हाफको इन्जुरी टाइममा गोल गरे।
प्रिमियर लिगको अंक तालिकामा आर्सनल १० खेलबाट २४ अंक जोडेर दोस्रो स्थानमा उक्लिएको छ।
शीर्ष टिमल टोटेनहमको २६ अंक छ भने एक खेल कम खेलेको तेस्रो स्थानको म्यानचेस्टर सिटीको २१ अंक छ। यता चेल्सीलाई हराएको ब्रेन्टफोर्ड १३ अंकसहित १०औं र चेल्सी १२ अंकसहित ११औं स्थानमा छन्।
