फ्रेञ्च क्लब पिएसजी युरोपियन च्याम्पियन्स लिगको अन्तिम १६ मा प्रवेश गरेको छ।
समूह ‘एफ’ को अन्तिम खेलमा जर्मन क्लब बोरुसिया डर्टमन्डसँग १-१ को बराबरी खेलेसँगै पिएसजी अन्तिम १६ मा पुगेको हो।
डर्टमन्डका अडेमेयीले ५१ मिनेटमा अग्रता दिलाए पनि पिएसजीका जाइरे इमरेले ५६ मिनेटमा बराबरी गोल फर्काए।
यो समूहको अर्को खेलमा एसी मिलानले न्युकासललाई २-१ ले हरायो। जितपछि पनि एसी मिलान समूह चरणबाटै बाहिरियो।
यसअघि अन्तिम १६ मा पुगेको डर्टमन्डले ११ अंक जोड्दा पिएसजी र मिलानको समान ८-८ अंक भयो। हेड टु हेडमा दुवै टिमले एक एक जित निकालेका कारण गोलअन्तरमा पिएसजी अघि रह्यो। न्युकासल भने ५ अंक जोडेर पुछारमा रह्यो।
