फ्रेञ्च लिग वानमा पिएसजीको ८ खेलको जितको यात्रामा पूर्णविराम लागेको छ। यसअघि लगातार ८ खेलमा जित निकालेको पिएसजी नवौं खेलमा लिलसँग १-१ गोलको बराबरीमा रोकियो।
लिलका जोनाथन डेभिडले दोस्रो हाफको इन्जुरी टाइमको चौथो मिनेटमा गोल गर्दा पिएसजी बराबरीमा रोकिन बाध्य भएको हो।
त्यसअघि खेलको ६६ मिनेटमा एमबाप्पेको पेनाल्टी गोलबाट पिएसजीले खेलमा अग्रता लिन सफल भएको थियो। लुकास हर्नान्डेजलाई बाफोडे डियाकाइटले फाउल गरेपछि एमबाप्पेले आफ्नो १६औं खेलमा सिजनको १६औं लिग गोल गरे।
लिगमा पिएसजी १६ खेलबाट ३७ अंक जोड्दै शीर्ष स्थानमा छ। दोस्रो स्थानको निसभन्दा रियल ५ अंकले अघि छ।
१२ सिजनमा १०औं फ्रान्सेली उपाधि जित्ने अभियानमा रहेको पिएसजी लिगमा अझै बलियो स्थानमा छ।
मोनाको ३० अंकसहित तेस्रो स्थानमा छ। मोनाको शुक्रबार लियोनसँग १-० ले पराजित भएको थियो भने निस शनिबार हाभ्रेसँग ३-१ ले पराजित भएको थियो।
बुधबार बोरुसिया डर्टमण्डसँग १–१ गोलको बराबरी खेल्दै च्याम्पियन्स लिगको समूह एफको उपविजेताका रूपमा अन्तिम १६ मा स्थान पक्का गरेपछि पिएसजीको यो पहिलो खेल हो।
