आर्सनलले इंग्लिस प्रिमियर लिगको अंक तालिकामा शीर्षस्थान कायम गरेको छ।
गएराति अंकतालिकाको दोस्रो स्थानको लिभरपुलसँगको खेल १-१ को बराबरीमा टुंगिएपछि आर्सनलले लिग लिडरको अस्तित्व जोगाएको हो।
आर्सनलविरूद्धको खेल लिभरपुललाई शीर्ष स्थानमा उक्लिने मौका हुन सक्थ्यो। १-१ को बराबरीमा टुंगिएको खेलमा आर्सनलका ग्याब्रियलले चौथो मिनेटमा र लिभरपुलका सलाहले २९ औं मिनेटमा गोल गरेका थिए।
आर्सनलले १८ खेलमा १२ जित, २ हार र ४ बराबरी खेल्दै ४० अंक जोडेको छ। समान खेल खेलेको लिभरपुल ११ जित, १ हार र ६ बराबरी खेल्दै ३९ अंक बनाएको छ।
तेस्रो स्थानमा रहेको एस्टन भिल्लाको पनि ३९ अंक नै छ। गोल डिफरेन्सका आधारमा लिभरपुल दोस्रो र एस्टन भिल्ला तेस्रो स्थानमा छ।
