लिभरपुल इंग्लिस प्रिमियर लिगको शीर्ष स्थानमा उक्लिएको छ।
मंगलबार राति वर्नलीमाथि २-० गोलको जित निकाल्दै लिभरपुल शीर्ष स्थानमा पुगेको हो।
लिभरपुलको जितमा नुनेजले ६ र जोटाले ९० मिनेटमा गोल गरे।
यता म्यानचेस्टर युनाइटेडले एस्टन भिल्लालाई ३-२ गोलले हराएको छ।
भिल्लाले पहिलो हाफमा २-० को अग्रता लिए पनि युनाइटेडले दोस्रो हाफमा तीन गोल गरेको थियो।
अंक तालिकमा लिभरपुल १९ खेलबाट ४२ अंक जोड्दै शीर्ष स्थानमा छ। दोस्रो स्थानको आर्सनलले एक खेल कम खेल्दै ४० अंक जोडेको छ।
भिल्लालाई हराएको युनाइटेड ३१ अंकसहित छैटौं स्थानमा छ भने भिल्ला ३९ अंक जोड्दै तेस्रो स्थानमा छ।
